Ձմեռային ճամբարային գործունեության ընթացքում՝ դեկտեմբերի 14-26-ը 5-6-րդ դասարանցիների հետ միասին անցկացրեցի «Էկոլոգիա ամենափոքրերի համար» նախագիծը։ Նախագծի ընթացքում
- 6-րդ դասարանցիներն ունեցան շատ արդյունավետ սեմինար-քննարկում բնապահպան Լևոն Գալստյանի հետ։ Խոսեցինք Հայաստանի բնապահպանական խնդիրների մասին։ Սեմինարը վերածվեց հետաքրքիր հարցուպատասխանի։
- Ես և Անահիտ Բեկյանը 5-6-րդ դասարանցիների հետ այցելեցինք Գաֆեսճյան արվեստի միության «Բնության հրաշքների թանգարան»։ Տեսանք բնության հրաշքների եզակի նմուշներ, իմացանք դրանց ծագման մասին։ Վերջում թանգարանի աշխատակիցները սովորողների հետ հետաքրքիր խաղ անցկացրեցին՝ ստացած գիտելիքները ստուգելու և ամրապնդելու համար։
- 4-6-րդ դասարանցիների հետ անցկացրեցինք բնապահպանական ֆիլմերի և մուլտֆիլմերի դիտում-քննարկումներ, որից հետո 5-6-րդ դասարանցիների հանձնարարվեց իրենց ստացած գիտելիքներով մեդիանյութեր պատրաստել փոքրիկների համար։ Ներկայացնում եմ դրանցից մի քանիսը (ցանկը շարունակելի է)․
- Սամվել Մանասյան «Էկոլոգիա փոքրիկների համար«
- Մելքոնյան Շուշանիկ, «Ինչպե՞ս վարվել թափոնների հետ»
- Սերգեյ Բոյախչյան «Թափոններ»
- Տիգրան Գաբրիելյան «Կարելի է, չի կարելի»
- Հարութ Հարությունյան «Պահպանենք բնությունը»
- Ճամբարի երկրորդ շաբաթվա ընթացքում 5-րդ դասարանցիները սեմինարներ անցկացրեցին 3-4-րդ դասարանցիների հետ, իրենց իսկ պատրաստած մեդիանյութերով։ Ահա և այդպիսի մի սեմինարից փոքրիկ ֆոտոշարք․
Նախագծի արդյունքում Հիմնական դպրոցի և Դպրոց-պարտեզի 3-6-րդ դասարանցիները ծանոթացան ՀՀ բնապահպանական խնդիրներին, աղբի հիմնախնդրին։ Հուսով եմ՝ այժմ նրանք ավելի խնամքով կվերաբերվեն բնությանը։